المهاجر
بقلم محمد لمراحلي
.
يحسن اعوانك
يا لمهاجر
فكل مرة
رايح جاي مسافر
لازم تعبر لمعابر
حياتك كلها مخاطر
ايخدموك
ويهزو عليك لقناطر
ؤ ما يتهناو
حتى يصيفطوك لمقابر
الناس عايشة
وتشوف فالمناظر
وانت عيشتك
ديما فالمطامر
اهلك تلقاهم موجدين ليك
فالمحاضر
ما ايعرفو
اش بيك
خاصهم غير لمبخر
والشوى فوق لمجامر
بحال الى انت
ولليتي من المشاهر
يا لمهاجر
نوصيك
لا اتخالط الروميات والجبابر
راهم يطبقوا عليك
القوانين ؤ لمساطر
دير اعلاش اتوللي
رآه الوقت طاير
لا اتفكر اكثير
ؤ تبقى ساهر
ربي معاك هو القادر
خليك دايما طاهر
محمد لمراحلي
فاس
ليست هناك تعليقات:
إرسال تعليق