____ كلام لفتيلة ______
بقلم * محمد لمراحلي *
القنديل ف الشرق ضاوي
وف الاقصى
ما اعرفناه اعلاش طاوي
اللي حطيتي عليه يديك
بالنار كاوي
والاجواء غايمة
بالحرمل والجاوي
هو عند البعض ساوي
والى قلبتي ف الجوهر
تلقاه خاوي
اتخللينا ع الحكمة
وانسينا الراوي
لما قال
اعطي التساع
لذاك الهاوي
راه زرعو
من لبعيد كيبان لاوي
فيق يا الغايب
اشحال قد الهجهوج
ما ايدندن ف موال
لكناوي
راه الحضرة
بان فيها
على صورتو الغاوي
والعصير الخاتر
اصبح ف الزناقي سايل ماوي
ؤ لغريب
راه مزال طامع ؤ ناوي
وبالنية امحزم ؤ داوي
باش ايرجع كولشي
ف عهدو زاوي
بالتماسيح والعفاريت
كثر لينا الشهاوي
ؤ ف التالي
اجمع لينا لمطاوي
محمد لمراحلي
فاس
ليست هناك تعليقات:
إرسال تعليق