المصطفى
بقلم السيدابوطاحون
من يوم ما زرنا المدينه
وشربنا نورها وصلينا
فى الروضه والعشق نادانا
أصل اللى نورها نبينا
يا مصطفي خد بإدينا
يا صاحب الحوض المليان
بالشهد والنور والإحسان
يا سلام على طه العدنان
من قلب كفه بيسقينا
يا مصطفي خد بإدينا
سيدنا النبي عارف عيبنا
واقف يوماتى يطببنا
يوم الزحام مش هيسبنا
جاى بالشفاعه يعدينا
يا مصطفى خد بإدينا
علمتنا فرضا فرضا
يا شفا لكل من مرض
ربك سيعطيك ف ترضى
يا حب أحمد نجينا
يا مصطفى خد بإدينا
*********
#المصطفى
#السيدابوطاحون
#الاخنوم
ليست هناك تعليقات:
إرسال تعليق