قصيدة باللهجة العامية ...
بعنوان ... الإرهاب ما إلو دين ...
بقلم الشاعرة الاديبة ملك الأصفر
.........................................
رح جيب الزير من البير
وعبي المية بالغربال
واعمل كل الما بيصير
واللي ما بيخطر بالبال
إرهابي شوهت الدين
وعملت أبشع أعمال
اقتلت احرقت بإسم الدين
وشمتت كل الأندال
...................
الإسلام دين التسامح
دين محبة روح اسأل
بيأمر بالأخلاق نعامل
وما بيرضى بهالأهوال
لا تقتل لا تبقى غافل
نبينا محمد قال
بإنو نبشر ما ننفر
وأمرنا بخير الأعمال
....................
ربك أمرنا بالرحمة
والرحمة صفة الرحمن
ووهبنا العقل والحكمة
ونور بالقلب الإيمان
أخلاقك بإيدك ثروة
وع جبينك أكبر نيشان
خلي بقلبك دوم الرأفة
تا يبقى اسمك انسان
................................
ملك محمود الأصفر
ليست هناك تعليقات:
إرسال تعليق