منتدى نبض القلم.. للشعر والأدب

أغنية...ياللي مسافر
بقلم الشاعر علي الطاووس

ياللي مسافر...
و واخد قلبي...
انا معاك...
دنا قلبي انشغل...
باللي مالهوش دوي...
روحت اسهرله...
انا الليل...
انطبعت صورته...
كده علي وش القمر...
اعمل دلوقتي أنا أيه...
في الليل و في القمر...
و في اللي مسافر... 
و واخد قلبي معاه...
ده كان لينا سهر...
يامه في الليالي معاه...
و نجوم الليل...
تنعد كده لوحديها...
بعدد كلمات الغزل...
و الفجر يطل علينا...
و أحنا لسه...
بنتهته في أول الحروف...
طب أعمل أيه أنا...
في النجوم و الفجر...
و الغزل...
لما نقوم نمشي...
رجلينا ثابته...
و الطريق هو...
اللي بينا بيمشي...
و ألأيد ماسكه و ألأيد...
و الكفوف بتبلغ فينا الحين...
و همس بينا يسمعه الليل... 
و هو علينا حزين...
علشان سيبينه و ماشين...
قوليلي يا سمعين...
اعمل ايه انا...
في رجلينا و الطريق...
و ألأيد و الكفوف...
ده لسان حالي...
بينده و بيقول...
يا مسافر...
و واخد قلبي...
أنا معاك....
مع تحيات شاعر الوجدان الشاعر السكندري /علي الطاووس 😂