أهديك من قلبي شمعة
للشاعر محمد ضباشه
--------------
أهديك من القلب شمعة
تنور ليك ..... لياليك
وترسم علي الحيطان بسمة
وباقة حب في إيديك
تزوق بحر مرآتك
وسهر ويا همساتك
تحمي في قلبي نبضاتك
علي مرسي ومعديه
وطير سارح مع عيونك
بيدعي ربنا يصونك
يغرد في الفضا لحني
تلاقي السكة ورديه
مفروشه بشوق وحنين
للي عننا غايبين
وما نعرف هواهم قين
نطير جواه في صبحية
تخلي الشمس شموسه
بتاح ألعز لعروسة
وطرحة من بياض قلبي
هدية من السما ليا
ووردة كل بساتيني
علي خدودك منديه
تروي فيك إحساسي
تذكر قلب كان ناسي
أنه النبض في قلبي
وشايله جوه في عينيه
ليست هناك تعليقات:
إرسال تعليق