عندما يهمس القلم......
بقلم الشاعر محمد السوفي
همك يا دنيا كتير.
ولي دار رسو فيك وفيه..
ما يتهنا ما يعرف راحة.
غير ل هزوه الكتاف..
غير رتاح يا مخلوق الله.
راك ضعيف قدام محاينها
ما تعندها ما دير برأيها.
راه رحاها حجرة تقيلة.
تقوس الظهر.
تفتت العظم.
سول عليها ناس زمان.
يوصيوك..
ياولدى عليك بالصبر.
وزيد فى الصبر.
وياك ل ضحكت لك تتغر.
دير معها حساب هاك وأرى.
لحساب صابون.
وإلا خدمتى معها العقل.
تردك هبيل بوهالى.
دور جار الدربالة.
وحكام ناس عليك .
ماعندو عقل.
وإلا خدمتي معها القلب.
تعصرو عصير زيت.
من زيتونة حارة
تخلي كيف ليلك كيف نهارك..
عيونك ما يلقيو الشفار.
ما يعرفو لون الظلام.
ما يتحلو في نور الشمس.
يا هد المخلوق غير ساعف ..
راه غير ساعة ودوز.
دير راسك فيها غير تالف.
ديما سول واخا تكون مقصد.
ولقصدك عارف.
ولا تحكم حكام اللازم.
حتى تحقق كفوف الميزان.
راه عبار اليوم غدا يتحقق.
ومن عرق كتافك
يتسواو الكفوف.
هز كفك لله
بقلب صافي ونية صادقة.
دعى دعوة الخير.
ليك وللغير.
ربى راه كبير.
وحقك عندو محفوظ.
إلا مخديتيه في دنيا.
ترجا في جوارو خير الحقوق....
لا تعند دنيتك يا هد الخلوق.
راه اخرك فيها حفرة وشاهد.
ويقولو كان فلان.
وشحال من فلان كان.
وشحال قدهم يعقلوا.
تولي غير سمية في كناش.
تحتها خط حمر
كان فلان بحلا مكان...
ودنيا ما يهزها موتك.
كيف ما هزتها حياتك.
راها غزلات في متالك كتير
ومزال تغزل.
ورحاها مزال غير زيدا وتتقال...
وخا هي عند الله ماتوزن متقال.
سالا الكلام وما بقى عندى ما يتقال ...
.
ليست هناك تعليقات:
إرسال تعليق