منتدى نبض القلم.. للشعر والأدب

يا ظالم  هواك ...
بقلم الشاعر محمد صلاح حمزة
بنيت لي ...
فى جفن العين سجنك ...
دلالك كل يوم بيزيد ...
وسحر عينيك ...
... آسرني
رموشك بقت سجان ...
وفيهم أنت ...
ساجني ...
يا مالي بالقسا قلبك ... 
أنا بأشكي عينيك ليك ...
لا عينيك بترحم ...
ولا أنت ...
راحمني ...
و عايش و قلبك خالي ...
لا أنت معايا ولا هواك ... 
... سايبني
لا حالي بقي حالي ...
ولا غيرك فى الكون ... 
... عاجبني
وراضي بظلمك للهوى ...
 ... وظالمني
أنا بشكي عينيك ليك ... 
لا عينيك بترحم ...
ولا أنت ...
راحمني ...
بتبعد عينيك ليه عني ...
دنا قلبي ...
 هو قلبي ... 
مهما طال البعاد ...
بنا ...
باقي على الود ...
وصاين العهد اللي ...
بنا ...
يا ريت أخطر على بالك ... 
 ولو لحظة ...
تنور بيك دنيتي ...
ولو لحظة ...
أشيلك فى عينيا ... 
وكفايا ...
يرضى عليا زماني ...
ما دمت انت ... 
معايا ...
أنا بيك خلاص أرتضيت ...
من الدنيا وإكتفيت ...
وكفايه عليا أعيش ...
جنبك ...
وأشوف جمال الدنيا ...
فى عينيك ...
محمد صلاح حمزة