غربـــــة
بقلم الشاعرة هاله جالهووم
سلمتني لموج البحر
وقالت
جرب حظك
بعيد
ونزلت وانا عطشانك
سامع كلامك
عاشق ترابك
لكن قدري اتغرب
واموت غريب
غير حضنك
لا ابالي
حتي ولو فووق
احتمالي
بس جربي وقولي
تعال....
وانسجي شراع
جديد
بعد اللي مزقه
السؤال......
فين نعيمك ؟
فين وليدك ؟
فين زرع ايدك؟
فين ملامحي ..
اللي تاهت بين
دروب الاحتمال
جيت ومعايا جراب
احلام
بعد ماضاعت سنيني
بين ذل ومهانة
بس بأمانة
فين ضحكة زمان؟
جيت ومديت وريدي
لاجل انسج اسمك
اغنية بعيدي
بلادي لكي حبي
وفؤادي
ملاقيت خبزك
ونيلك
وتبدل الحال
لا قطنك بيدفيني
ولا علمك بيرقيني
لا نهرك بات يرويني
واتسكر مصنعك
بالاقفال
فين نسيجك؟
فين سكك حديدك؟
فين تحفك الكرستال؟
فين قلل الناوي
فين طاقية الغاوي
فين غناوي متقال
والله ..
حتي مالاقيت
فيكي ياغالية
صناعة نعال
🌿🌿هاله جالهووم🌿🌿
ليست هناك تعليقات:
إرسال تعليق