أصعب إحساس
بقلم الشاعرة كندا أحمد
اصعب احساس جرحك ليا
إنت تملي تظلم فيا
ديما تبقا قاسي عليا
مش بتقدر حتى ظروفي
حتى ف ضعفي ولا بخوفي
إنت تملي ديما ناسي
انت عندي اهلي وناسي
ديما شايلاك فوق ع راسي
طيب ليه بتقول متجاهله
هو انا طفله ولا انا جاهله
اصعب احساس المتجاهل
والاصعب ان اشوفو ساهل
ديما تحكم قبل ما تسمع
كتر الاحكام خلتني انسا
حتى مشاعرك دي ولا حاسه
إحساسي معاك ان انا بهرب
حتى في صوتك ابعد اقرب
انا مش بعتب ولا بلومك
ولا انا بحكي علشان ارجع
بس تملي احساسك يخدع
حتى مشاعري خلاص كده ماتت
اصلي المظلوم ديما ساكت
واستعجلت في حكمك ليا
وانا عمري ما اقلبها قضيه
هسكت وابكي بيني ونفسي
عمري ما ابين ضعفي ويأسي
هنسا حكاية عشتها ليا
حتى الذكرى طويتها انا فيا
حتى نهايتي خلاص هكتبها
نهاية حزينه بخط ايدايا
كندا احمد
ليست هناك تعليقات:
إرسال تعليق