منتدى نبض القلم.. للشعر والأدب

بقلم عبير جلال1-12
بقلم عبير جلال
في المنام
في المنام شفت نفسي
طفله جميلة بضفائر طويله
بألعب وأجري في جنينه
ماسكه في حضني
لعبتي الحلوة
عروستي الشقرة
كانت أمي جيباها
هدية ليه 
بألعب وأجري وأطنطط
مافيش في قلبي
إلا الفرحه وفي عيوني
الضحكة الحلوة
كانت الدنيا حلوة 
وانا في المنام  الناس
حلوة 
قلوبها صافيه كلها خير
ودفء وحنان
حبيت اصحى من المنام
لاقيت نفسي عجوزة
كتفي انحنى من الهم
وشعري شاب من الغم
ولاقيت وشي كبر وعجز
ولا في عيوني فرحه
ولا حتى على شفايفي بسمه
بصيت حوليه لقيت
الدنيا ضلمه مافيهاش
حتي قمر صغير
ينور المكان،
بصيت حوليا
لاقيت الناس مش هى
اللي بيبكي واللي بيصرخ
واللي بينده على اللي راح منه
لاقيت ام تصرخ ودموعها سايله
على ضانها اللى راح فى شربه ميه
لاقيت اب بياخد عزاء ابنه
اللي ضحى بشبابه فى لحظه
لاقيت شباب بيبكوا
وشعرهم شاب من الفجعه
على اللى راح تحت الدار
اللي أنضرب بنار الغدر والخيانه
فتحت عيوني كويس
لأقيت الدنيا مش هي الدنيا
خفت وقعدت مكاني
وقلت اغمض عيني احسن
وارجع لمنامي،
ارجع طفله صغيرة في
جنينه مليانه ورد وشجر
وعصافير وحمام
والشمس طالعه تضوي
منورة الدنيا،
قلت لنفسي خليك احسن
نايمه احلمي في منامك
اوعي تصحي ياحلوة
النوم اجمل من الصحيان
بقلم عبير جلال 1-12