نسمات محملة
بقلم الشاعرة كاترين سليمان
نسمات محملة بعطرالولف
لفت خصلات شعري والجبين...
قبلتني متل ما تقبل الأم الوليد
همست ياحلوتي
انطريني بعدالمغيب
بهاك الدرب بين أغصان الياسمين ...
بين جدايل الشمس
وشعر الليل الطويل
مشتاق لهمس الهوى
مشتاق لعطر البساتين ...
وتلال خصرك والحنين ...
ياحلوتي عند المدى
من دون صدى
رح غني غناني العشق
واعزف ع أوتار قلبك
حكايات عمرها سنين...
قيثارتي أنتِ وأنا الناي الحزين...
اغمريني عند اللقاء واجني
من سلالي كل أمنيات الحب
واسكبيني في كاسك خمراً
واثملي فأنا مثلك عاشق مسكين
كاترين سليمان
ليست هناك تعليقات:
إرسال تعليق