( براءة الطفولة والحرمان من الام )
كان هذا الطفل يلعب في الطين ﻻن والده قال له
من قبل اننا خلقنا من طين فاراد الطفل البحث عن
امه الفقيدة ......
(أنا مش بلعب)
أنا مش بالعب في الطين
أنا بادوّر علي ...... أمي
مش قالوا البشر من طين
وأنا نفسي اشوف أمي
أنا رغم صُغر سني
بعادها كتير ...... هدني
مين ياخد باله مني
ومين اللي هايودّني
مين اللي. هايطبطب
لما الحياة ......تصعب
علي مين أنا هاصعب
ومين هايفضي لمين
أنا مش بالعب في
الطين
أنا قلبي بس ....حزين
ونفسي أشوف ...أمي
.....
يا أمي ...... سيبتيني
ودمعتي... في عيني
علي الفراق ......يارب
يارب .............قويني
دا إنتي الحنان. إنتي
يا أمي...... ياحبيبتي
طب مين هايحضنّي
لما الحياة...... تخونّي
والهم ........... يسكنّي
ومين هايفضي لمين
أنا مش بالعب في
الطين
أنا بس قلبي ....حزين
كلمات / شرف الدين فاروق أحمد
ليست هناك تعليقات:
إرسال تعليق