بقلمى/ رفعت أبوكريّم (شاعر الصعيد)
بعنوان { وبعدهالك يا زمن} (عاميّة)
****************************
وبعدهالك يا زمـــــــــــن
عمّال تدق أجراســــــــك
ضيّعتنى من غير ثمــــن
تعبنى ثقل أنفاســــــــــك
ليه تضربنى بالشلــــوت
وأقدامك تدوس وتشوت
كفاية ضرب بالنبـــــوت
ليه فقدت إحساســـــــك
ليه تعبت أعصابــــــــى
ليه أدمنت إتعابــــــــــى
توّهت منى أسرابــــــى
وسقيتنى مرار كاســـك
أنا الديون تعبتنـــــــــى
أنا الهموم غلبتنــــــــى
نامت عندى ما سابتنى
ليه تحطّنى ف راســـك
أدينى صبرت على ظلمك
وحملت كتير من جرمك
حمّل يا زمانى وهــــات
أصل الظلم دا ساســــك
شفت الظلم ف عيونــك
وقريته جوه كرّاســـــك
******************
رفعت أبوكريّم (شاعر الصعيد)
جميع الحقوق محفوظة
ليست هناك تعليقات:
إرسال تعليق