بكيت بدموع الغالي
بقلم الشاعر حسن صحيبي
انا اللي كنت عزيز وغالي علاش يا الشاغلة بالي
قتلتيني
وفي ما حنيتي
لا يغرك زين طفلة
ولا اللي قالوه ليك عدياني
الناس يقولوا
وكلام الناس خاوي
انا راجل مهما كان الحال
بسبابك انا غادي مهاجر
خاوي البلاد
نقلب ع الجواد
نحكي قصتي
بين يوم وليلة
كان يا ما كان
في قديم الزمان
جوجت العشران
خليل وخليلة
ما قصدوا من الدنيا غير الحلال
يبنوا عشهم
ويشهدوا الناس بالفعل والأقوال
وكان هدا ما طرا
بين يوم وليلة
بكيت بدموع الغالي
أنا اللي كنت عزيز وغالي
علاش يا بنت الناس
قلت لها راني نبغيك
بالعيوب والمحاسن اللي فيك
قصدت القصد
وبغيت اليوم نديك
تكوني لي وانا ليك
قالت كري لي دار
من الديور الكبار
وبعدني من والديك
والصنعة اللي في يديك
أنا راني .....
قلت لها يا بنت الناس
انا راني مقاول والدايا
متفرقنا غير الموت
ومن غيرهم ما قرت عينيا
قالت اش هاد الهضرة
قلت لها
هادوك الناس شحال خدموا علي
واش لوحهم بعدما قلالت الصحة
ونختارك غير انتيا
واش اللي بينا كان حب
ولا كنت كتفلاي علي
قالت والدمعة نازلة ع الخدود
اللي بينا كان حب حقيقي
انا ما نويت نفرقك على والديك
لكن نستقل بحياتي ونكون وحدي
أنت لي وانا ليك
قلت لها كفاش يمكن نختار
انت اليوم حيرتيني
عاودي راجعي القرار
وبغيري لا تغيريني
والى نويتي تقسميني
راك غدا تندمي ع اللي فات
قالت اختار والديك
وانا خليني عليك
رآه شحال من وحدة تقبل عليك
مادام حتى عيب ما فيك
أنت راجل تمنيتك لكن
قلت لها
بموس حافية دبحتيني
نويتي تقسميني على جوج
وتعيشي اولادي في الغربة
أفهم يا الفاهم قصتي
ولا ضن اني بوهالي هبيل
راه ما يشيب الرأس
غير الضروس إلى رشاووا
وما يدوق طعم الكأس
غير اللي همومو زادو
وكانت هادي قصة الغالي
نرويها في الليالي
كان يا ما كان
الحبيب اللي بغيتو
هجر
مشا وخلاني
شكون يقدر ينسيني فيه
وكفاش نحفظ لساسي
زماني زمان الحكرة
وهذا هو حالي
يبقى الجرح ينزف
وتبقى الدمعة ساكنة في عيوني
وتبقى قصتي نحكيها
بكان ياما كان
في قديم الزمان
جوجت العشران
خليل وخليلة
زجل ( قصة الغالي حسن صحيبي
بقلم الشاعر حسن صحيبي
انا اللي كنت عزيز وغالي علاش يا الشاغلة بالي
قتلتيني
وفي ما حنيتي
لا يغرك زين طفلة
ولا اللي قالوه ليك عدياني
الناس يقولوا
وكلام الناس خاوي
انا راجل مهما كان الحال
بسبابك انا غادي مهاجر
خاوي البلاد
نقلب ع الجواد
نحكي قصتي
بين يوم وليلة
كان يا ما كان
في قديم الزمان
جوجت العشران
خليل وخليلة
ما قصدوا من الدنيا غير الحلال
يبنوا عشهم
ويشهدوا الناس بالفعل والأقوال
وكان هدا ما طرا
بين يوم وليلة
بكيت بدموع الغالي
أنا اللي كنت عزيز وغالي
علاش يا بنت الناس
قلت لها راني نبغيك
بالعيوب والمحاسن اللي فيك
قصدت القصد
وبغيت اليوم نديك
تكوني لي وانا ليك
قالت كري لي دار
من الديور الكبار
وبعدني من والديك
والصنعة اللي في يديك
أنا راني .....
قلت لها يا بنت الناس
انا راني مقاول والدايا
متفرقنا غير الموت
ومن غيرهم ما قرت عينيا
قالت اش هاد الهضرة
قلت لها
هادوك الناس شحال خدموا علي
واش لوحهم بعدما قلالت الصحة
ونختارك غير انتيا
واش اللي بينا كان حب
ولا كنت كتفلاي علي
قالت والدمعة نازلة ع الخدود
اللي بينا كان حب حقيقي
انا ما نويت نفرقك على والديك
لكن نستقل بحياتي ونكون وحدي
أنت لي وانا ليك
قلت لها كفاش يمكن نختار
انت اليوم حيرتيني
عاودي راجعي القرار
وبغيري لا تغيريني
والى نويتي تقسميني
راك غدا تندمي ع اللي فات
قالت اختار والديك
وانا خليني عليك
رآه شحال من وحدة تقبل عليك
مادام حتى عيب ما فيك
أنت راجل تمنيتك لكن
قلت لها
بموس حافية دبحتيني
نويتي تقسميني على جوج
وتعيشي اولادي في الغربة
أفهم يا الفاهم قصتي
ولا ضن اني بوهالي هبيل
راه ما يشيب الرأس
غير الضروس إلى رشاووا
وما يدوق طعم الكأس
غير اللي همومو زادو
وكانت هادي قصة الغالي
نرويها في الليالي
كان يا ما كان
الحبيب اللي بغيتو
هجر
مشا وخلاني
شكون يقدر ينسيني فيه
وكفاش نحفظ لساسي
زماني زمان الحكرة
وهذا هو حالي
يبقى الجرح ينزف
وتبقى الدمعة ساكنة في عيوني
وتبقى قصتي نحكيها
بكان ياما كان
في قديم الزمان
جوجت العشران
خليل وخليلة
زجل ( قصة الغالي حسن صحيبي
ليست هناك تعليقات:
إرسال تعليق