خواطر بوهالي
بقلم الشاعر محمد لمراحلي
النظرة الاولى
شافت فيا بنظرة جامدة
وعيونها خجلانة ساجدة
حسبتها غير شوفة عابرة زايدة
الله الله
خلات ف قلبي نار زاندة
وعيوني عليها شاهدة
رنة لهوى
ابقات ف اخيالي خالدة
وافكاري ليها راصدة
ف اعروقي
تسري هامدة
الزين من عند ربي
محبوب هايدة
زهرة ف اجنان واجدة
النخوة والشان
بينات باللي راشدة
وشدة لحجاب
كملات بها الفايدة
البسمة من القلب
على الجرح تنزل باردة
بالهمة والشان وقفات صامدة
وسر المشية
وسام قايدة
كمرة اسيادي
بنجومها عابدة
بصمة خلات جوارحي شاردة
ولباسي رجعات
ب لعرق ساردة
بقلم
محمد لمراحلي
ليست هناك تعليقات:
إرسال تعليق