فقت عل حلمة
بقلم الشاعر محمد المؤذن
فقت على حلمة تفزع أفادي
مانعست ما كملت رقادي
الحلمة كانت في ليلة مظلمة
سمعت واقيف قال حكمة
الواقيف عطاني قلم وسيف
ركبني عود وبالما رش وسادي
فاجا الغمة بكلمة فيها مرادي
قال بدل العتبة توكل على لهادي
قدامي تسرحو طرقان ومراير
أنا حاير فين الشر فين الخير
فين نصد أش نقبض هذي ولا هذي
على كتافي تحرفت سيفي لحافي
علقت حروز جدادي تزودت بزادي
أول مريرة بدات بسكومة مهمومة
تحكي همها وغمها على دومة
ومريرة بدات بكلخة مكلومة
تشكي لعطش على سدرة مضيومة
ومريرة بدات بخيمة مهدومة
تهرس حمارها لمسوس باللومة
لومة العيشة الحارة زكومة
قلت نشوف الفال أشنو قال
لاحني الفال بعود من لعواد
لاحني في مسرب مجنب هواد
ما عرفتو فين يكركب فين صاد
أش داني وانا غريب وحداني
علاش نتغرب في هاذ لمسرب
أراسي مالك قاصي عاصي
فين غادي وأنت فرادي
قلبي بالسم والهم مجروح
وكنازتي المسيوكة بالروح
شكيت المسرب المبحوح
قبل الفروج قبل المشبوح
دوزني الوقت على غابة مجرابة
مسيلة دم بشواقر الحطابة
عكلني عظم عليه أثر الدم
فخد غزالة مدفون في ردم
شفت كريكر تكركر وتحوم
تويل على ولدها واحل
في فم لفعة تزغرت بالسم
بسيفي لحافي قطعت راس الهم
حميت الفرخ من الظلم
في الغابة نايضة قرابة
لكبار بدلاقش لعار يفرسو الصغار
السيبة بنهار كهار ولا من ثار
لا من عتق روح لغزال لمسرار
فرسوه الضبوعة ولا حد جاب لخبار
فلت قرد نقاز حنقاز شطاح بلا مزمار
حتى الذيب كان حكار بالظلم والعار
فين لعشاش فين الخفاش
فين لطيار فين غلة لشجار
فين النحلة تزنزن فوق النوار
مال الزمان غدار
نغزت بناب الركاب
عودي لحنحان السرحان
طلق السيقان زعفان
قطع شعاب وويدان
راح الليل في واد النيل
منو وردت عودي لخليل
سلعة عكاظ صابها لكساد
شحم لبيار ورثوه خيار عليه نفاد
في السما والما من شحمنا شعلو عوافي
قالو حك ظفر على ظفر وغدرهم خافي
قطعنا صلة الرحم سال الدم من لقوافي
هما ضو ليلهم صافي وحنا قنديلنا طافي
سرحت عيني على حد الشوف
حلفت وانا صايم بالحلوف
نكتب تاريخ جديد بالحروف
بتاريخ الحقيقة لمحذوف
تخرج روح الحكرة من الغرضوف
نفرزو لحم لخروف من شحم الحلوف
محمد المؤذن مؤسس ورئيس جمعية كازابلانكا
للتراث الشعبي والتنمية والتربية على المواطنة
بقلم الشاعر محمد المؤذن
فقت على حلمة تفزع أفادي
مانعست ما كملت رقادي
الحلمة كانت في ليلة مظلمة
سمعت واقيف قال حكمة
الواقيف عطاني قلم وسيف
ركبني عود وبالما رش وسادي
فاجا الغمة بكلمة فيها مرادي
قال بدل العتبة توكل على لهادي
قدامي تسرحو طرقان ومراير
أنا حاير فين الشر فين الخير
فين نصد أش نقبض هذي ولا هذي
على كتافي تحرفت سيفي لحافي
علقت حروز جدادي تزودت بزادي
أول مريرة بدات بسكومة مهمومة
تحكي همها وغمها على دومة
ومريرة بدات بكلخة مكلومة
تشكي لعطش على سدرة مضيومة
ومريرة بدات بخيمة مهدومة
تهرس حمارها لمسوس باللومة
لومة العيشة الحارة زكومة
قلت نشوف الفال أشنو قال
لاحني الفال بعود من لعواد
لاحني في مسرب مجنب هواد
ما عرفتو فين يكركب فين صاد
أش داني وانا غريب وحداني
علاش نتغرب في هاذ لمسرب
أراسي مالك قاصي عاصي
فين غادي وأنت فرادي
قلبي بالسم والهم مجروح
وكنازتي المسيوكة بالروح
شكيت المسرب المبحوح
قبل الفروج قبل المشبوح
دوزني الوقت على غابة مجرابة
مسيلة دم بشواقر الحطابة
عكلني عظم عليه أثر الدم
فخد غزالة مدفون في ردم
شفت كريكر تكركر وتحوم
تويل على ولدها واحل
في فم لفعة تزغرت بالسم
بسيفي لحافي قطعت راس الهم
حميت الفرخ من الظلم
في الغابة نايضة قرابة
لكبار بدلاقش لعار يفرسو الصغار
السيبة بنهار كهار ولا من ثار
لا من عتق روح لغزال لمسرار
فرسوه الضبوعة ولا حد جاب لخبار
فلت قرد نقاز حنقاز شطاح بلا مزمار
حتى الذيب كان حكار بالظلم والعار
فين لعشاش فين الخفاش
فين لطيار فين غلة لشجار
فين النحلة تزنزن فوق النوار
مال الزمان غدار
نغزت بناب الركاب
عودي لحنحان السرحان
طلق السيقان زعفان
قطع شعاب وويدان
راح الليل في واد النيل
منو وردت عودي لخليل
سلعة عكاظ صابها لكساد
شحم لبيار ورثوه خيار عليه نفاد
في السما والما من شحمنا شعلو عوافي
قالو حك ظفر على ظفر وغدرهم خافي
قطعنا صلة الرحم سال الدم من لقوافي
هما ضو ليلهم صافي وحنا قنديلنا طافي
سرحت عيني على حد الشوف
حلفت وانا صايم بالحلوف
نكتب تاريخ جديد بالحروف
بتاريخ الحقيقة لمحذوف
تخرج روح الحكرة من الغرضوف
نفرزو لحم لخروف من شحم الحلوف
محمد المؤذن مؤسس ورئيس جمعية كازابلانكا
للتراث الشعبي والتنمية والتربية على المواطنة
ليست هناك تعليقات:
إرسال تعليق