منتدى نبض القلم.. للشعر والأدب

بالعاميه الدمشقيه 

.......... جيل التجديد ..........
بقلم الشاعر محمد علي الراعي

إبني كبر
 وأنا بنظره صرت صغير
إذا حكى لازم اسمعلو
وإذا حكيت بيتهمني بإساءة التعبير

لبس الجينز المشرط
وإذا لبست الرسمي بيقلي رافض التغيير

أكله وجبات سريعه
وعلطبخ بيقول حاجتك تعتير

تعلم كم كلمه أفرنجي
وبالعربيه بيكسر تكسير

موعاجبه عايش ببلده أمير
وبيهوى العيشه بالغربه فقير

ليله سهر وفيس ودخان وأركيل
ونهاره نوم وتشخير 

النظام في بلده عبوديه
وبالغرب حضاره وتعمير

وإذا نصحتو بقلك رجعي
والتقدميه بنظرهةالتكفير

يابني بلدك عمرها
وبلا تقليد وتصغير

بقلم محمد علي الراعي
دمشق سوريا