لقصيدة لحرامية للشاعرة بديعة الإدريسي

‘‘لقصيدة لحرامية‘‘
بقلم الشاعرة بديعة الإدريسي
الشكوة لي كنت معول
عليها 
ويجي مخاضها لبن عاقد
وزبدة تارية
طلعت قصيدة حرامية
شحال ونا نمنح فيها
معمرها جافاتني
وليوم بان لي لغدر منها
طاح عامود لحممارا
ودا معاه قوافي لمنيحة
زندت مناصب تحت منها
قلت يمكن طيب وتعطيني
ذهان نروح بيه حروف لخديمة
من زهري جات نوا طفات 
جمر لقريحة
خلاتني تالف نقلب ف زنيگة
نقلب على عواد لبرواگ
يمكن نگدي بيه شلا معاني
نقفلو بيها لكسكاس 
باش يفور طعام لهتوف
وتعطف الشكوة بمنيحة
حرة... 
بديعة الادريسي....