قالوا ليه للشاعر ناصر عطا محمد

... *** قالوا ..  ليه *** ...

بقلم الشاعر ناصر عطا محمد 

قالوا  .. ليه  بتتغنى ..

واحزانك .. بلا نهاية

جريح والله .. يا اخواني

وحزني .. للبشر أية

وأيامي .. بقت توهة 

وحيرة .. ساكنة جوايا

انا فى الشعر .. باتحرر

وحرف الحزن .. شمعاية

تقولوا ازاى .. أقول قلمي

تقولوا معاي .. أقول ألمي

ورايح جاى .. مع  ندمي

وشمس الحر .. ضلاية

وبتقلب .. على الجنبين

مرة شمال .. ومرة يمين

مفيش واحد .. من العاشقين

عاش الحب .. غنواية

اهي دنيا وبنعيشها .. 

مع الأصحاب

نقابل شلة نتناسى .. 

حنين وعذاب

ونرجع تاني .. جوه الليل .. 

بلا احباب

نعيش الوحدة جمراية 

عرفتوا ازاى ..

أنا للحزن .. بيت  مسكون

وبيت الشعر ..

 جوايه .. كلام موزن

انا باصرخ  .. 

يا أحبابي .. انا مطعون

وجرح الغدر .. سلاية

خدوني .. فى الزمن .. اية

وهاتوا  .. نص ضحكاية

بقلمي الشاعرناصرعطامحمد

بقلمي .. Nasser Atta