شهيق انفاسى ينده لك
وقلبى حتة من سهلك
تعالى بس على مهلك
وداوينى من الأحزان
وأنا والفرحة قدامى
أشوفها تكتر أحلامى
تسابقنى فى أيامى
وعمرى يشتهى لأمان
ياليل الود والمغنى
عليك أرسى ولا أستغنى
وصبحى ما التقى معنى
لغيرك ما اتوجد لى زمان
أنيس ليلى والهامى
جليس فكرى وهيامى
حبيب روحى وأوهامى
تزيد لو حنينك خان
ولو تشكى أسايا ليك
فى يوم تعرف هوايا بيك
ولو زاد جفايا عليك
بلاش هجرك يكون عنوان
# بتول العتربى
ليست هناك تعليقات:
إرسال تعليق