الجزء السابع عشر من رباعيات مصريه
من الديوان الملحمى / تحيا مصر
للشاعر/ مصطفى فريد
الاسمر الجميل
إللى مالوش مثيل
جيل من بعد جيل
لطريق الخير هداه
وحدد ساعة الصفر
وقام حفر فى الصخر
علشان يشق بفخر
وعزه تانى قناه
وتكون هديه لمصر
التانيه فى عيد النصر
صالحه ولأى عصر
عطشان لطريق النور
ومن ماله حلاله
نفذ بإيدين عماله
إدارة حفر قناله
وريحة عرقة بخور
وما عاد الدين ح يزل
ولا غرب بحقد يضل
ولا بنك عميل بيشل
ويقول استنى الدور
وخدها بكل تحدى
النيلى أبو خد وردى
وشبابك كان بيدى
مثال أجمل عبور
عبوره من المهانه
إلى شط الكرامه
وطريق الاستقامه
هو جواز المرور
لعصرك فى الرياده
آآه يا سكر زياده
ياللى طردتى البلاده
فى قاموسك والفتور
دايما سمعة ولادنا
رافعة راية بلادنا
أعلى من أى مدنه
ومعديه البحور
إيه يا طيور المحبه
ماتهدى حبه حبه
صوت الشر استخبى
وما عاد ينطق بزور
ليست هناك تعليقات:
إرسال تعليق