أمي...بقلم الشاعر محمد الشافعي

أمي

مَنْ غيرْهَا 
لا قَلْبْ علياَ ٱرْحيمْ
عُكَّازي ونُورْ طْريقِي فَحْياتي.
وِلا خالفْتْ الطريقْ وغْلَطْتْ
ماقْصَاتْ عْليَا 
وسَتْرَتْ زَلاّتي.
تْلومْني مْلامَة رحمَه ورْطوبَة
وهي ٱلْمواسْيَاني فْمَحْناتي.
تشوفِّيَا تْحسْ بْضُرّي وتَعْلمْ
آشْ بيا 
وتفْهمْ تشرحْ أنَّاتِي.
ٱلْبَسْمَة مَنْ شْفاتْها
وَرْدْ مْفَتَّحْ
نْسايْمو دَاعَبْ وَجْناتي.
ٱلرَّحمَة فْقَلْبْهَا
وِيدانْ فايْضَة
بَرَّاتْ عَلْتِي
وغَسْلَتْ ذَاتي.
نَظْرَا مَنْ عْيُونْهَا
بِها قَلْبي ٱرْتَاحْ
وهَمِّي ٱنْزَاحْ
وبَرْدَتْ كياتي

            محمد الشافعي