ومشيت يا أيلول
بقلم الشاعر زاهي سكيني
مشيت وتركت أوراقك تحت الشبابيك
تركت الشجر عريان
والورد دبلان
على الصفصاف تركت طيورك
بردت الغصون
ما شبع منك الزيتون
وراك مشي الخيال
والقلب يناديك
عليك العيون
والنظرات معلقة فيك
يا أيلول وين رايح ؟
معنا خليك
وين ساكن ؟
وين بيرتاح الجمال ؟
وين بتسهر ؟
وين بتنام ؟
بأية عرزال ؟
فوق أي تلال ؟
قول يا ايلول
لو إنت ما رجعت
حنيني بلاقيك ,,,,,,,,,,,,,
زاهي ديب سكيني ,,,,,,,,,,,,,,,,,,,,,,,,,,,,,,,,,,,,,,,,,,,🌹
ليست هناك تعليقات:
إرسال تعليق