الناس غير
بقلم وفاء الهراس
كتحكم وتتهور
بالظلم والنفاق
بالخدع كتهدر
والافكار مشتة
مفرقة كتبعثر
تعاديهم بالفيروس
فلعدوا كتنشر
هبالها لمعندو
دوا الله يرزق صبر
معليين راسهم
بالخداع والغدر
عندهم كيف لون
لبيض كيف لحمر
نطلبوا الله
يعافينا ويستر
من بنادم لعندو
سبع وجوه ويتعنكر
هو غير ولد تسع شهور
على خلاقو يتشطر
وتكعد باراكا متستر
فخوابي النفاق
غير كتعمر
كدير راسك قدام الناس
انك راقي وكتصبر
ونتا منافق كتمثل
وتراوغ باش تستر
عاقو بفعايلك يا المخنتر
غتبقا ماشي وكتعثر
والناس تولي تشوفك
بصورة مشوهة ومنك تسخر
وفاء الهراس