أنين جراح للشاعر محمود بدران

...أنين جراح. .

.................

فجأة إكتشف إنى وحدى؛ ؛

       إنى انقهرت من العياط  ؛ ؛

وأكتم وادارى على خدى؛ ؛

      حتى السكات مليان آهات؛ ؛

أنام وأصحى يومى يعدى؛ ؛

   غفوات منامى كابوس شتات؛؛

ماكنتش أعرف يوم بوجعى؛ ؛

      يتخلى عنى أهل وصحاب؛ ؛

خذلنى منهم من كان بقربى؛ ؛

     والكل فات من غير سبات؛ ؛

لقيتنى وحدى مابين رفاقى؛ ؛

      عيونى جفت والدمع مات؛ ؛

والألم صب فى كيانى؛ ؛

       خلالى عظمى حبة رفات؛ ؛

مفيش إيدين إتمدت تواسى؛؛

       ولا قلوب الحب إدت فتات؛؛

حسيت هلاك روحى وفرحتى؛ ؛

    والدنيا غابت شمسها ويلات؛ ؛

بقيت لوحدى فى دنيتى؛ ؛

      فقدت منها عزوتى أزمات؛ ؛

حاولت أقوم من كبوتى؛ ؛

       ماقدرت أقاوم بقيت ركام؛ ؛

قتلت همومى ضحكتى؛ ؛

           والغربة صارت ضالتى؛ ؛

وسط الصحاب. .القلب مات. .

محمود بدرن 

25/1/2019