وكانت وكنا
بقلم الشاعرة نسيبة الشعراء
وكأنت دنيتي أحلي من السكر
لا شايلة هموم ولا بفكر
أنا الطفلة الفرايحية
بضحكة جميلة وندية
لا يوم أبكي ولا أتعكر
حنان الخالة والعمة
وجدي وجدتي لمة
وحدوتة تنيمني
وطبطوبة تصحيني
وجدي لما يندهلي
يقولي يا ضيا عيني
كبرت وزادي حنية
بخوفهم م الهوا على
وأحلام عمري وردية
ولا اعرف خوف ولا بلية
صبية حلوة وشقية
وفرحة م الهوا تجيني
وكله جميل قوي ف عيني
.............
وزفوني مع دموعهم لمملكتي
وكل مكان ف بيت جدي عليه صورتي
بيبان الأهل مفتوحة
لنا ف الجاية والروحة
وأنس الليل بيجمعنا
نقول والكل يسمعنا
ولب وفول يسلينا
وشاي أحمر يدفينا
وفرحة ساكنة ف عنينا
وعمر الخوف ما بيجينا
...........
وفجأة.هادم اللذات
علي أهلي جميعهم فات
وكل جميل معاهم مات
كتير يا أمه وحشتيني
رحلتي ليه وفتيني
ومن عطفك حرمتيني
يا حنية بتسري ف دمي ووتيني
ولو ف الحلم هتجيني
ياريت يا أمه تضميني
بإيدك لمسي جبيني
وقولي لجدتي وجدي
مرار الموت ما ببهدي
وليل البعد ما بعدي
يا دور الأهل ليه ملتي
مع رحيلهم وهلهلتي
زمان ليا انا كنت
يا مرسايا ومركبتي
نفس دافي بيحييني
وبحنانك تدفيني
وقولي لجدتي وجدي
وحشتوني
كتير جدا وحشتوني
بقلمي
نسيبة الشعراء