متنواحيش
بقلم أحمد طلبة
علي اللي باعك بالتراب
والا اللي سبب أزمتك
وساب إيديكي في محنتك
تنزف جراحك وسط ناس
زي الكلاب
كان شكله منك بس مش
حظك
شايله هموم الدنيا فوق
طقتك
يا عيني ياللي متمايله
ببختك
فارد نواح القهر فوق
زي الغراب
وهو برده ساب إيديكي
بمحنتك
تنزف جراحك وسط ناس
زي الكلاب
•••••••••••
موجعه ليه
وسط الصحاب
مش هم دول اللي
شقيتي لجل يرتاحو
وتراعي منهم اللي
كان بيحس بجراحو
أخرتها إيه
الكل راحو
وكأنهم كانو في يوم
أغراب
عجب العجاب
عجبي علي اللي انكسر
ويداري جواه
وف يوم ما حس بخطر
مش لاقي حد معاه
بكره أكيد ينتصر
والفضل دا لله
فمتزعليش
أصل الأصيل أصيل
لو حتي بخته قليل
لو يوم معاكي تميل
حقك يعود لو غاب
واللي يبيعك يوم
إنسيه
وسبيه لوقت حساب
واللي بينبح صوته
ولا تردي
ولا تعملي حسابهم
ومين يعمل حساب
لكلاب
••••••••••
أحمد طلبه
٢٠١٧/٧/١
ليست هناك تعليقات:
إرسال تعليق