منتدى نبض القلم.. للشعر والأدب

عن مصر
بقلم ااشاعرة أمال بدر 

بيسألونى ويقولولى
مصر تعنى ليكى ايه
رديت وقولت مصر وطن
يعنى أرضها ونماها
يعنى جمال صفى سماها
يعنى الجوامع والكنايس
يعنى المعابد والهرم
يعنى نيل وشمس دافيه
وحلاوة جوها
يعنى شعب طيب حنون
يعنى قلب مليان صفى
يعنى شوارع ليها تاريخ
وحوارى فيها الونس
يعنى حضارة يعنى تاريخ
يعنى فن ويعنى ادب
تسمع صوت ثومه  وحليم
تتعلم احلى نغم
يعنى طه حسين ونجيب
يعنى نوبل فى   الادب
مجدى يعقوب وأحمد زويل
قمة فى الطب وفى العلوم
وفى الرجوله والادب
مصر يعنى حضن كبير
دفى وامان لكل العرب
ومهماتبعد أو تغيب
تلقى روحك ليها رايحه
هى دى تبقى مصر
وهو ده شعب مصر
وتحيا مصر تحيا مصر
امال بدر