مابين عينيك
بقلم الشاعر أحمد طلبة
مابين عينك يطل كلام
ودمع عنيكي دا يجري
بسيطه ليكلي الأحلام
ياشايله الهم من بدري
بحس في نظرتك بالخوف
من الملعونه دي ظروف
أنا بجد أكيد مكسوف
عشان والله مابيدي
وصعب أحقق الأحلام
ياشايله الهم من بدري
=============
جميله بضحكتك صافيه
وعايشه برده بالعافيه
لكن بكره أكيد شايفه
عليكي الحلم جاي يجري
وراضيه يابنتي عالأحوال
وقلبك عمره مره ماشال
وإيه يرضيكي لو يتقال
لكن بيكي دامين يدري
وكاتمه بحزنك الأحلام
ياشايله الهم من بدري
=============
ياحاسه بحزن في ملامحك
ولا حد أكيد لمحك
وبس ماتقبلي بجرحك
ولا حد فيكي يئذي
وساكته يابنتي علي همك
وراضيه بهم مش همك
صحيح الكل أه ظلمك
لكن ربك وحيد يدري
وبكره تحققي الأحلام
ياشايله الهم من بدري
=============
أحمد طلبه
ليست هناك تعليقات:
إرسال تعليق