منتدى نبض القلم.. للشعر والأدب

عامية

[غزال الحي]
بقلم الشاعر مصعب محمد صالح
هب نسيمو حكالي
من الفرح مبتسم طوالي
منشرح ما هو متعالي
غزال الحي

بين الإخوة درجتو مثالي
هادي طبعو يسعد فالي
ذي برق القبلة يلاالي
غزال الحي

ياغرال أرحم حالي
خليتني وراك يا غالي
أشيل الموية في غربالي
غزال الحي

مربوع قوامو أزهر لونو
سحر قلبي بي عيونو
كل الجمال في مخزونو
مبتهج في لماه غصونو
غزال الحي

حلف بالله لازم أشوفو
ذي الخدار في جروفو
نديان فرعو دانية قطوفو
يانعة ثمارو صعبة وصوفو
غزال الحي

تائه فكري بي وراك
أتمني عين الرحيم ترعاك
أترك داري أموت في حداك
يانور العيون أنا مالي سواك
غزال الحي

معذب قلبي فيهو لماك
غيران من نسيم يغشاك
أهديك عيوني والروح فداك
غزال الحي

يا بدرا مستنير في سماك
يانجما ضحوك في  مساك
برقا لاح شبيهو ثناك
يرتاح قلبي ديما معاك
غزال الحي

بريدك ياروحي أنت براك
سامي فوق الثريا علاك
في مدارات الزحل وإياك
تصدم كوكب فيروح هلاك
غزال الحي

‏====@@====