بغبغان
من ديوان/ بيحسدوك على إيه
للشاعر/ مصطفى فريد
بعت نفسك للشيطان
سيطرت عليك اللئام
عينوك مصاص لدم
شيلوك بالكدب هم
هدم وطنك
باسم دينك المزيف
إللى كله ضلال ودم
كرهوك حتى فى سنينك
غيموا الدنيا فى رؤاك
شربوك جهلك بإيدك
والمولى حارس من آزاك
وعشان خفافيش الظلام
عشت لشيطانك إمام
هلفوت وبتردد كلام
بغبغان واخد وسام
فى الجهالة
والعمالة
والخيانة
وقلب مصنوع من رخام
الحثالة غيروك
دمروك
وصلوك مشروع جبان
يبيع نفسه لمين يدفع
من الكارهين تراب وطنى
رموك فى سكة الاوهام
مابين داعش
وبين قاعدة
وبين واعظ
مالوش سجدة
ومقدرتش فى تفهم
إللى يخون تراب وطنه
مصيره النار
والقاتل لخلق الله
بلا وازع ولا تفكير
من الملاعيين ليوم الدين
إرهابى فى جهله سجين
كفر بالدين وباع نفسه
وباع بلده لعدو الدين
ليست هناك تعليقات:
إرسال تعليق