دنيا العجب
بقلم الشاعر محمد الفيومي
تمشي في الشارع عنيك تشوف العجب
ناس من كتر الوجع ماشيه تكلم روحها
خايفه تقول الاه لحد يسمعها
حتي الاه ما بقي ليه معني
وناس ماشيه تايه ماتعرف يمينها من شمالها
اصل العقل مشغول بحجات كتير
من الهموم والفكر ما بينام الليل
وناس ماشيه بتصرخ بصوت عالي
من الالم ال جواهم
حاسين ان في حد هايسمعهم
انسا يابن ادم اصل كل واحد
مالهي في مصبته
وناس واقفه تقول لله
ومن غيرك ياربي يعينهم
مهما مساكين لله والفقر هايموتهم
وناس بتلعب بالفلوس للعب
وتسرفه علي النوادي والفسح
ونسيو ان فيه مولي وهو ال رزقهم
فرض علهم زكاة العشر من مالهم
وشباب مثل النساء ونساء مثل الشباب
خلاص مات الحياء ونعدمت الاخلاق
ووشوش شكل بعضها بداري وشها بقناع
قناع الكذب والخداع والخيانه
وقاضي بينادي سكوت يا بشر
وجوه القفص مظلوم يا قاضي
هاتعمل ايه يا ظالم يوم العرض
اليوم ال ما هاينفع فيه
معارضه ولا دفاع
وعملك هو جوابك
واطفال يتامي حقهم ضايع
واطفال شوارع
حلمهم ادفن يوم ولدتهم
وياما هانشوف العجب
في دنيا العجايب
✏محمد الفيومي