( يعوض ربنا )
بقلم الشاعر إسطال عبدالله الشرقاوي
ولسه يا عرب نايمين ؟!!
لا هنقول فوقوا من تانى
ولا فى طموحكو فيه أمانى
يعوض ربنا فيكم
عوض الصابرين
.................
لا فايده فيكو فى حياتكم
وياما خير أهو فاتكم
وأحسن تعلنوا مماتكم
وليه ساكتين ؟!!
..........................
ولا سمعنا فى يوم صوتكم
وفين بقى هيه دى وعودكم ؟!
وديما مقفوله بيوتكم
ب جواليس طين
...........................
لحد الميه ما شالتكم
لآخر الدنيا ودتكم
ولإمتى هتداروا خيبتكم
ونشكى لمين ؟
..........................
شوفولكو حل وبسرعه
لترموا نفسكو ف ترعه
وإيه راح تآخد القرعه ؟!
من الباقيين
...........................
ما تييجو توحدوا الكلمه
ويلو ورونا الهمه
يبارك ربى فى اللمه
وقولوا آمين