منتدى نبض القلم.. للشعر والأدب

الذيب
بقلم الشاعر عز الدين ناس الرما                                                       

الذيب يبقى ديما ذيب
عمرو ما يعود غزال

يسرق ينهب و يدير لعيب
عندو حساسية من لحلال

فعلو كيف ديما شين و خيب
يقتل يكذب على حساب لمال

ما يحب ما يدير حبيب 
ما يفتح للإحساس لمجال

يعيش بوحدو ديما غريب
فلغابة ما بين لجبال

باش يحن فالناس صعيب
حيث أصلو مخلوق قتال

ما يعزل لا بعيد و لا قريب
عندو كلشي بحال بحال

ما يرحم حيث أصلو خيب
باش يتوب خاصو شلا و شحال

بقلم : عزالدين ناس الرما 

تحية خاصة للناس الذين يكسبون قوتهم اليومي بعرق جبينهم