كنت بحلم لو تعودي
بقلم الشاعرة أمل صلاح
كنت أشيلك جوه عيني
كنت أنام دايما في حضنك
وارتوي من عطف قلبك
واقعد أتونس بقربك
وأسمع كلامك واحفظه
ودا وعد مني واسجله
وجوه قلبي أرتبه
وأسمع صداه وأردده
ويبقى لي دستور حياة
كنت بحلم أيوه بحلم
لو تعودي
هتلاقيني اشتد عودي
كنت أحارب أي دمعة
لو في يوم. تجرح خدودك
كنت أخلي البسمة دايما
والسعادة فوق جبينك
كنت أخلي سفينتي ترسي
جوه مرساك وف حدودك
يا أحلى صحبة ف دنيتي
وجودي نفسه من وجودك
وبترجاك تسامحيني :
تسامحيني...... على صدي وعصياني
وسامحيني...... لو إن الدنيا وخداني
وبدعيلك يا ست الكل يا غالية
يجازيك على صبرك
ويجعل لك تعب قلبك
في دنيانا عليك حسنات
ولو ترضي يا نور عيني
انا أهدي لك حياة قلبي
روحي وعقلي..... مع القبلات
بقلم. أمل صلاح