وشرب الشهد
بقلم الشاعر ياسر التوني
وشرب الشهد من اية واناصايم بيروينى
يحرّك ف الفؤاد ساكن ويجرى ف دم شرايينى
وريدى يغير ويندهله بلاش بالله .. تجافينى
ترد العين انا الاول يلف ف كل ميادينى
مابين الرمش والننى باعجازه يلاغينى
يقول قلبى دانا المسكن يارب بحفظه ابنينى
وخلى ف واجهتى الفاتحة واية كرسى تحمينى
تترجم فرحتى دموعى ف تيجى الايد تهنينى
تقلى اللمسة للمصحف بكل وضوح تقوينى
لسانى يقول وانا الناطق وده اكبر براهينى
على انى اكيد هكسب واحقق كل ملايينى
من الحسنات عشان ربى وعدنى اضعاف هيدينى
يرد القلب سامحونى د انا اللى شمالى ويمينى
مع القران كتير عاشوا وبيه تتقل موازينى
ورغم الذنب انا عارف بان المولى عاطينى
كنوز ف حروف وهقراها لحد مايبقى تَكفينى
بتوب ابيض لكن برضه ولو ايه هتكفينى
اقول مش موت طلوع روحى انا قرانى يحيينى
بقلم الشاعر ياسر التوني
وشرب الشهد من اية واناصايم بيروينى
يحرّك ف الفؤاد ساكن ويجرى ف دم شرايينى
وريدى يغير ويندهله بلاش بالله .. تجافينى
ترد العين انا الاول يلف ف كل ميادينى
مابين الرمش والننى باعجازه يلاغينى
يقول قلبى دانا المسكن يارب بحفظه ابنينى
وخلى ف واجهتى الفاتحة واية كرسى تحمينى
تترجم فرحتى دموعى ف تيجى الايد تهنينى
تقلى اللمسة للمصحف بكل وضوح تقوينى
لسانى يقول وانا الناطق وده اكبر براهينى
على انى اكيد هكسب واحقق كل ملايينى
من الحسنات عشان ربى وعدنى اضعاف هيدينى
يرد القلب سامحونى د انا اللى شمالى ويمينى
مع القران كتير عاشوا وبيه تتقل موازينى
ورغم الذنب انا عارف بان المولى عاطينى
كنوز ف حروف وهقراها لحد مايبقى تَكفينى
بتوب ابيض لكن برضه ولو ايه هتكفينى
اقول مش موت طلوع روحى انا قرانى يحيينى