ياطير صوتك
بقلم الشعار عصام علي السوادي
يا طير صوتك حرك اشواق وجراح
ودموع عيني من على الخد ساحي
يا ليتني مثلك على الغصن نواح
من فوق غصن البان يشرق صباحي
ويا ليت لي يا طير ريشن مع جناح
كنت امتلكت الجو وابسط جناحي
حرن مع احساسي ومطلوق سراح
عايش مع اشواقي ومطلق سراحي
يا طير ياللي في هوى الشوق لواح
شفتك وفاض الوجد والسد باحي
نبض الهوى ساكن مع بعض الارواح
ما بينها همس وتناغم مباحي
ياما على دنيا الامل باب مرواح
وياما سجين البعد ماله مراحي
غدر الزمان وميلة الوقت ياصاح
تخفي الم مر السنين الشحاحي