هزيت كفوفي
بقلم الشاعر محمد البراقي الحسناوي
للسما ء نحكي همي
من حر الشوگ
اشكيت وابكيت
دموع فاضو من عيوني
ولمحبة جمرة
نارها شاعلة
ما بغات تطفا
حطبها بين ضلوعي
رمادها مابغا يهبا
عشقها كبير
ساكن ف بير جوفي
سحاب عانق تراب
غبرو نجومي
وغاابت الگمرة
الثلج في جبال داب
باغي نشوف محبوبي
ونغسل دنوب
للاه لما عطف
بالمحنة حن
لعظم شرف
راني مربوط
ومكبل بين لحيوط
الدم نشف
وجف من خدودي
القلب تاب
على باب التوبة واقف
هزيت كفوفي
ترجيت العالي
يشوف من حالي
يتنقا خيالي
ويرتاح بالي
والميزان فيه صروفي
بالكعبة نطوف
نحط القرح البالي
نلبس الفرح جديد
يكن نهاري عيد
يامكتوبي
طلگ لسراح
داوي لجراح
سرح مسجوني
22/7/2018
بقلم محمدالبراقي الحسناوي