صَهْدْ الْحَالْ
************ (زجل مغربي)
بقلم الشاعر محمد حديش
صَهْدْ الْحالْ نَشَّفْ الْكَبْدة
يَاريتْ حْلاوْة لَيَّامْ الشَّمْة
نَعْصَرْ شَهْدْهَا قَطْرة قَطْرة
نْصَفِّي جْباحْهَا نَفْرَزْ العْسَلْ
نْحَلِّي جُوفْ الكْلامْ المْخَبِّي
نْطَلَّعْ لِّي فَ الْگَلْبْ ؤُنَرْتاحْ
❀❀❀❀❀❀❀❀❀❀❀
وَاهْ ياَ داكْ الْمِيمونْ تْگَعَّدْ...
بَلاكْ مَا تَطْحَنْ فَ السَّعْدْ كَفْتا
ؤُقَطَّعْ السْلاسَلْ ؤُسَگَّمْ الزْهَرْ
شْبابِي شابْ ؤشِيبي تَرْزا...
عْلَى بَغْتة اتَقْلَبْ زْمانِي ضْبَابْ
❀❀❀❀❀❀❀❀❀❀❀
وَاهْ يَا سِيدْ الْكَوَّايْ زَنَّدْ الجْمَرْ
ؤُكْوي سَعْدْ الوْقاتْ كِيَّة كِيَّة
تْشافِي الْسْقامْ ؤُتْفَيَّقْ الرَّاگَدْ
رَاهْ شَدْنِي الْحَالْ غِيرْ شَوَّرْ
❀❀❀❀❀❀❀❀❀❀
وَاهْ يا دِيكْ الْحَگْرَة فَ الْگَدْرة
شْحالْ قْدامْ سْمَنْ عْدابَكْ
تْشْحَطْنا عْلى الگْفَى قَهْرة
ضَرَْبة ضَرْبة وَلاَّتْ ضَبْرا
❀❀❀❀❀❀❀❀❀❀
وَاهْ يَا خْيوطْ الزْهَرْ المْطَرَّزْ
يَاريتْ نْسَرْسَبْ مَنْ زْواقَكْ
ؤُنْعاوَدْ الطَّرْزَة فَ سَرْ الْبْها
نْزَيَّنْ الْباسْ الْوْقَرْ فَ الْگَمْرة
❀❀❀❀❀❀❀❀❀❀
وَاهْ يَا الْواكَلْ حْصادِي غْضَرْ
الْغَمْضَة فَ نْعاسَكْ تَلْگَطْ كْدَرْ
مَنْ عَرْگِي مْدَوَّزْها تْدَرْديكْ
قَاجْ يْدامِي مْجَيَّفْ الضَّغْمَة
الْفَلْسْ ليهْ عابَدْ راكَعْ ساجَدْ
❀❀❀❀❀❀❀❀❀❀
وَاهْ ياَ داكْ الْحَقْ الْمْغَرَّبْ زْمانْ
إِمْتَى تْبانْ انْوارَكْ ؤُتْفَكْ الغْيارْ
لَجْموكْ بَالْباطَلْ غِيرْ بَالسَّاكَتْ
عْطَشْ الْمَلْهوفْ يْشَمْ ريحْتَكْ
الْعاقَلْ تْهَبَّلْ وَالْهْبيلْ وَلَّا حْكيمْ
بَالْبْهوتْ عَوْجُو طْريقَكْ بَالْمَاْل
نْساوْ يَّامَكْ مْزِّينْها يَّامْ حْرَكْتَكْ
❀❀❀❀❀❀❀❀❀❀❀
وَاهْ يْداكْ الْغْرامْ فينْ هُمَا نَاسكْ
الضَّحْكَة صَفْرَا وَالْگَلْبْ مْنَكَّسْ
الزِّينْ حَبُّو مُولانا غيرْ لِتَعْمى
امْحَزْمينْ بْقَلَّةْ النَّيَّة الْخاوْيَة
الْمْحَبَّة تْكَرْفاتْ ؤُضْياقْ صْفى
حْروفَكْ سْمَاها زِينْ القْوافيِ
ؤُالعْطوفْ تْبَارَگْ مَنْ العْيونْ
وَيْبَانْ رْقيبْ غْرامْها ؤُيْلالِي
❀❀❀❀❀❀❀❀❀❀❀
وَاهْ يَدَاكْ المْعَفَّرْ لْمْنَفَّخْ احْشَمْ
عْلاشْ تْفَلْعيصْ ؤُقَلَّتْ الْفْهَاما
نْسَّاتَكْ فْ أََصْلَكْ ؤُشْكونْ أَنْتَ
تْواضَعْ الْخُّوتَكْ ؤُرَاعي الْوْقَرْ
رَاهْ مَا يْدومُ حَالْ صَفِّي مَاكْ
ؤُخَيَّطْ بَالبْيَضْ ظْلامْ افْعالَكْ
الْخَتْمَة تْسَنَّا مَّاليهَا النَّخْوة
الْعَزْ النَّاسْ قْلوبْ صْفَى بَلاَّرْ
مَنْ شَذْرا غْزَلْتْ خِيطْ امْخَبَّلْ
سْدَِّيتْ بيهْ صُوفْةْ القْصِيدَة
ؤُنْقَشْتْهَا فَ مْوَاجْ بْحَرْ الْحالْ
بقلم محمد حديش
م͠ج͠د͠و͠ب͠ آ͠ل͠ح͠رف͠
14/07/2018
************ (زجل مغربي)
بقلم الشاعر محمد حديش
صَهْدْ الْحالْ نَشَّفْ الْكَبْدة
يَاريتْ حْلاوْة لَيَّامْ الشَّمْة
نَعْصَرْ شَهْدْهَا قَطْرة قَطْرة
نْصَفِّي جْباحْهَا نَفْرَزْ العْسَلْ
نْحَلِّي جُوفْ الكْلامْ المْخَبِّي
نْطَلَّعْ لِّي فَ الْگَلْبْ ؤُنَرْتاحْ
❀❀❀❀❀❀❀❀❀❀❀
وَاهْ ياَ داكْ الْمِيمونْ تْگَعَّدْ...
بَلاكْ مَا تَطْحَنْ فَ السَّعْدْ كَفْتا
ؤُقَطَّعْ السْلاسَلْ ؤُسَگَّمْ الزْهَرْ
شْبابِي شابْ ؤشِيبي تَرْزا...
عْلَى بَغْتة اتَقْلَبْ زْمانِي ضْبَابْ
❀❀❀❀❀❀❀❀❀❀❀
وَاهْ يَا سِيدْ الْكَوَّايْ زَنَّدْ الجْمَرْ
ؤُكْوي سَعْدْ الوْقاتْ كِيَّة كِيَّة
تْشافِي الْسْقامْ ؤُتْفَيَّقْ الرَّاگَدْ
رَاهْ شَدْنِي الْحَالْ غِيرْ شَوَّرْ
❀❀❀❀❀❀❀❀❀❀
وَاهْ يا دِيكْ الْحَگْرَة فَ الْگَدْرة
شْحالْ قْدامْ سْمَنْ عْدابَكْ
تْشْحَطْنا عْلى الگْفَى قَهْرة
ضَرَْبة ضَرْبة وَلاَّتْ ضَبْرا
❀❀❀❀❀❀❀❀❀❀
وَاهْ يَا خْيوطْ الزْهَرْ المْطَرَّزْ
يَاريتْ نْسَرْسَبْ مَنْ زْواقَكْ
ؤُنْعاوَدْ الطَّرْزَة فَ سَرْ الْبْها
نْزَيَّنْ الْباسْ الْوْقَرْ فَ الْگَمْرة
❀❀❀❀❀❀❀❀❀❀
وَاهْ يَا الْواكَلْ حْصادِي غْضَرْ
الْغَمْضَة فَ نْعاسَكْ تَلْگَطْ كْدَرْ
مَنْ عَرْگِي مْدَوَّزْها تْدَرْديكْ
قَاجْ يْدامِي مْجَيَّفْ الضَّغْمَة
الْفَلْسْ ليهْ عابَدْ راكَعْ ساجَدْ
❀❀❀❀❀❀❀❀❀❀
وَاهْ ياَ داكْ الْحَقْ الْمْغَرَّبْ زْمانْ
إِمْتَى تْبانْ انْوارَكْ ؤُتْفَكْ الغْيارْ
لَجْموكْ بَالْباطَلْ غِيرْ بَالسَّاكَتْ
عْطَشْ الْمَلْهوفْ يْشَمْ ريحْتَكْ
الْعاقَلْ تْهَبَّلْ وَالْهْبيلْ وَلَّا حْكيمْ
بَالْبْهوتْ عَوْجُو طْريقَكْ بَالْمَاْل
نْساوْ يَّامَكْ مْزِّينْها يَّامْ حْرَكْتَكْ
❀❀❀❀❀❀❀❀❀❀❀
وَاهْ يْداكْ الْغْرامْ فينْ هُمَا نَاسكْ
الضَّحْكَة صَفْرَا وَالْگَلْبْ مْنَكَّسْ
الزِّينْ حَبُّو مُولانا غيرْ لِتَعْمى
امْحَزْمينْ بْقَلَّةْ النَّيَّة الْخاوْيَة
الْمْحَبَّة تْكَرْفاتْ ؤُضْياقْ صْفى
حْروفَكْ سْمَاها زِينْ القْوافيِ
ؤُالعْطوفْ تْبَارَگْ مَنْ العْيونْ
وَيْبَانْ رْقيبْ غْرامْها ؤُيْلالِي
❀❀❀❀❀❀❀❀❀❀❀
وَاهْ يَدَاكْ المْعَفَّرْ لْمْنَفَّخْ احْشَمْ
عْلاشْ تْفَلْعيصْ ؤُقَلَّتْ الْفْهَاما
نْسَّاتَكْ فْ أََصْلَكْ ؤُشْكونْ أَنْتَ
تْواضَعْ الْخُّوتَكْ ؤُرَاعي الْوْقَرْ
رَاهْ مَا يْدومُ حَالْ صَفِّي مَاكْ
ؤُخَيَّطْ بَالبْيَضْ ظْلامْ افْعالَكْ
الْخَتْمَة تْسَنَّا مَّاليهَا النَّخْوة
الْعَزْ النَّاسْ قْلوبْ صْفَى بَلاَّرْ
مَنْ شَذْرا غْزَلْتْ خِيطْ امْخَبَّلْ
سْدَِّيتْ بيهْ صُوفْةْ القْصِيدَة
ؤُنْقَشْتْهَا فَ مْوَاجْ بْحَرْ الْحالْ
بقلم محمد حديش
م͠ج͠د͠و͠ب͠ آ͠ل͠ح͠رف͠
14/07/2018