#بلاش_تضليل
بقلم الشاعر وليد سليم
ايه الي عجبك فيه
دا حته في حبه
دايما سقيل
وطول عمره فاشل
وولد امه
وعيل عويل
حبي واحد قيمه
واحد ملو هدومه
باله طويل
مش واحد ضعفان
وكحيان وعميان
وجسمه هزيل
فرحان بس بلسانه
بأشعاره بصراحه
كلامه جميل
كل البنات بتحبه
وان سألتي وحده
تقولك مجرد زميل
دوسي شويه عليه
إنسيه العبي بيه
يجيلك زليل
طب سيبوني في حالي
دا انا من يومي
وقلبي بيه عليل
وبيحبني حب
لفيت كتير
مالقيت غيره بديل
وهكمل حياتي معاه
وهرضي بعيشتي
وهرضي بالقليل
اختشو شويه
علي دمكم
وبلاش تضليل
دا الرجوله في دمه
وولد ابوه مش امه
وكفايه تمسيل
دا بيكفيني بس ادبه
وحسبه ونسبه
وانه حبيب وخليل
ومهما اتكلمتم عنه
بخيركم او شركم
هكذب كل الاقاويل
#بقلمي
#وليد_سليم