منتدى نبض القلم.. للشعر والأدب

يا ناسي ...
بقلم ااشاعر محمد صلاح حمزة
 شعري وكلامي 
تعالى أقرا الحروف من تاني
دا فيها شوقي وحرماني
تعالى شوف أيه 
بين السطور مكتوب 
يا اللي انت عامل فيها مش فاهم
دا شوق ...
ودا وجد ...
ودا قلب .. دايب دوب 
ورب القلوب هو اللي بيه عالم
ودا غرام باين و مكشوف
لا تعرفه أقلام
ولا ينكتب بحروف
دى دمعه
ودا خوف
ولوعة حبيب ملهوف
ودي ضمه ما بين حبيبين
في حضن كان دوى للفؤاد موصوف
ودي همزة مكتوبه بحنيه
ودا سطر  مشتاق 
         و من شوقه حيتكلم
بيحكي على جرى ليا
ودي نظرة عين هيمانه
       وبين السطور بتسلم
سلام مشتاق 
وشوقه على الورق بيعلم
وصفحة ورا صفحة 
     صورتك فيها موجودة
بتنادي على اللي 
كتب الكلام ... 
  واللي دنيته ...
       بيكي موعوده ....
محمد صلاح حمزة