الجمعة، 26 أبريل 2019

Hiamemaloha

بعادك فاق حدود روحي للشاعر مصطفى قمر

بقلم الشاعر مصطفى قمر

بعادك فاق حدود روحى 
وأنا المشتاق
وادوس يومى على جروحي
تدوب  أشواق
يا سابية ف الغرام نوحى 
ولا فى ذواق 
ياسطر فى الهوى الممنوع
وشطر من العذاب والجوع
واهة ف قلبنا الموجوع
وساقيه فى كفور ونجوع
وبدرية ف فجرنا المشروع
وتنهيدة ف ليل بدموع
وحيلنا إللى فيكى مقطوع
امانه عليكى تعافينى
وابوس ف ايديكى وافينى
بلاش ف النوم تجافينى
واعيش اليوم تمانعينى
غراس الحب  الأحلام
كفاية شبعت م الأوهام
نعير الساقية بات محروم
من التوته وضلها فيه
ورقها وسترها مجافيه 
وقالو عليها له ترفيه
وتري الساقيه دايب دوب
مع أنه حديد
لكنه شبيه لكل الايد
ف ايه هيفيد 
وكل قادوس صبح مخروم
لا يغرف ميه فى قناية
ولا يساعد له ف بناية
يا اصل الأصل وحكايه
يا قول الفصل دى حكاية
كتبها تاريخ 
وساقيتنا ف مهب الريح
غرامك م القلوب تبريح
كفايه عذاب صبحت كسيح
يا دروة عدرا ويا مسيح
وارض الطور وسينا كمان
وسكنى الظلم والطغيان
بأيد فرعون وصاحبه هامان
جمعتى  الحق ويا امان
وانا العايش فيكى الحرمان
لا يكمل وازيد نقصان
مصطفى قمر

Hiamemaloha

About Hiamemaloha -

هنا تكتب وصفك

Subscribe to this Blog via Email :