بقلم الشاعرة بتول عبد المعز
صحيح أنا عشمان
فى رضاك يا رحمن
وباصلى وباجاهد
نفسى فى كل أوان
صحيح ذنوبى كتير
وباقضى وقت كبير
فى التوهة أنا غفلان
صحيح نسيت أزمان
الذكر والقرآن
وسهيت عن الإيمان
لكن أنا عارف
وبقلبى انا شايف
التوبة والإحسان
رمضان أهو جانا
بيداوى مرضانا
وبيسعد الأكوان
جانا هنا بنوره
الفرح وسروره
والبركة فيه أوزان
أهو جانا بالزفة
والبشر والعفة
لو حطونى فى كفة
راح اتقل الميزان
يارب قوينا
اهدينا اغنينا
واجمعنا بنبينا
المصطفى العدنان
رمضان ياضيفنا
أهلا مشرفنا
نورت وعرفنا
خيرك دا عم وبان
#بتول عبد المعز