الحلقة( الثالثة ) من المسحراتي
من ديوان / ولسه الفؤاد عطشان
للشاعر مصطفى فريد رقم (٣)
تتر ٠٠٠
مسحراتى داير أنادى
فى كل وادى اقول ياهادى
أحرس ولادى وانصر بلادى
على الاعادى والطماعين
نبضى فى قلبى بيدق طبلى
زى اللى قابلى جادل فى حبلى
بحرى وقبلى نجوم بتضوى
بهجة وحنين
نقلة ٠٠٠
الواد بشندى جه مره عندى
فى المغربيه. جايب هديه
كتاب معلم
حروفه ناطقة بالأبجديه
شكله جميل
قال لى القرايه. هى البدايه
معاها أخطى. وافك خطى
وامضى فى خطى
للمستحيل
يافرح هدى. دا بعزم يدى
بنيت لى سدى وكتبت ردى
مين بس قدى.
خدت الشهادة دا العلم زين
فيناله ٠٠
بانادى دايما الله ربى وهادى قلبى
فى كل وقت وكل حين
ادعى لربك يغفر لذنبك
ويخف جرحك ويعم فرحك
وتروق ملامحك
ويمد لينا شهره الكريم