بقلم الشاعر محمد صلاح حمزة
أنا القاضي ...
آه لو اقدر
أعيد الزمن من تاني
وارجع الماضي
واجيب أيام
كنت أنا فيها
أنا الظالم وأنا المظلوم
وأنا القاضي
آه يا ندم على اللي راح
وساب لي غصة في حلقي
و في القلب الف جراح
ودمعة عين مدبوحة
على ذكرى بقت ماضي
آه يا طير سواح
هجر أرضه
وباع ناسه
واللي يبيع الناس ينداس
لا حد يبكي عليه
ولا ينكتب أسمه في الكراس
هونا عليه وهان علينا
وان راح
لا تنزل دمعة عليه
ولا يسوى شئ
من أساسة
يعيش سجين الروح
غريب سواح
لا أهل ولا ذكرى
ولا ماضي
وآه يا دنيا صبرت فيها
والصبر فاض مني
و قلبي فيها ما هوش مرتاح
وانا عنها مش راضي
آه والف آه
على جرح بيألمني
و عمر ضاع مني
وبكره معاند معايا
و مش راضي يطمني
آه يا قلب مشتاق
وحضن بقالو سنين
فاضي
اروح لمين ..؟
وأشكي لمين ..؟
وأنا المظلوم وأنا القاضي
محمد صلاح حمزة