قسمه ونصيب
بقلم الشاعر خالد المنصوري
صاحبنا عايز عروسه
عروسه حلوه وشطوره
مطيعه هاديه وخجوله
أميرۃ في حجابها وسنيوره
وتسريحة شعرها مضفوره
جمال عيونها وضحكتها مسحوره
عينها الشمال لعيوبي مكفوفه
وعينها اليمين بحبي مكسوفه
ونقول قسمه ونصيب
.................................
صاحبتنا عايزه عريس
حتي لو في الكواليس
ولو كان رد سجون
والاسم لقينا عريس
ولا تسأل ع الاخلاق
ونسينا ان الرزاق
يا اخونا فرجه قريب
ونقول قسمه ونصيب
.......................................
صاحبنا عايز عروسه
طباخه وست بيت فرفوشه
مدبره في طلباتها وصبوره
ايدها الشمال للفلوس مبتوره
وايدها اليمين بخدمتي مسروره
مناخيرها فيما لا يعنيها مكسوره
ترضي بنصيبها وتكون شكوره
تفرح اوي لما اقولها يا أموره
ونقول قسمه ونصيب
......................................
صاحبتنا بتبكي يا عيني
ده عريسها طلع نشال
سرق الفرحه في دنيتها
والشقه كمان وفلوسها
ما هو امر طبيعي وعادي
ونسيتو الاخ حرامي
دي حياه ومشاركه يا ناس
مش اسم عريس وخلاص
مش لعبه تصيب يا تخيب
ونقول قسمه ونصيب
...................................
خالدالمنصوري