بقلم الشاعر جوزيف رداح
الفجر طل وفرق النجمات
زعلوا كثير ومن السما راحوا
وكاسي معبى هموم مع آهات
إشرب ت إنسى القلب وجراحو
شاعر أنا عم طرز الكلمات
ت حمﻻ أسرار ما انباحو
وأبدع قصيدة حروفها نهدات
من قلب انعدمت فيه أفراحو
ونسمة عليله تعرق الوردات
والديك يوعي الصبح بصياحو
وراعي يقوم يسرح الغنمات
وبستان يضحك طل فﻻحو
وتنورنا والخبز وحكايات
وايدين إمي البعد ما ارتاحو
وعصفور رندح أجمل النغمات
وختيار قاعد جنب مشطاحو
ياضيعتي ياملعب البسمات
بأرضك نسايم فرحنا فاحو
جوزيف رداح