أسارير الشوق:
بقلم الشاعر عز الدين الحميري
ياأسارير الشوق والغرام من تختال
القلب والعين وش اللي يبان فيها
يامسعف حرفي ومعانيه بالله تعال
علم خفوقي وعبرات العين دانيها
أفردت لك ساح الحشا ولك المجال
تعالج حيرتي وأشواق القلب وخافيها
تغلي غلي القهوة وفوق الجمر دلال
ريح الهيل والزعفران انت اللي تغذيها
ياشبيه القمر والبدر بحضورك والهلال
بنظر عيني انت تنور دنيتي وتحليها
عندي لك مشاعر وغرام تشبه الشلال
من يداني يابسات العروق ويحييها
مثل هالريح والبردات الضلوع تختال
عسى تهل جمرات منك والنار تدفيها
هذا الشعور من القلب وشبيه ماي زلال
ياريتك تكون نبع الحنان وانت تسقيها
لاتظن في يوم يتحرر شوقي من الغلال
غلالك تطوق العين والقلب وكلي يحتويها
اسأل كل العرافين وأهل الكف وقاري الفال
يدلونك ويعلمونك بسكة غلاك وخطاويها
ليه مصر تغذب الحال وتبعد وتشغل البال
تريد تتعب القلب والعين ماتجف مآقيها
عودت حالي عليك وصرت بكل الأحوال
أشوفك وأتلمس طيفك وقصتي انت ترويها
ماغبت عني بكل لحظة وانت شمسي وظلال
الصبح عبق الروح وشذاه والليالي انت راعيها
بياض الثلج يذكرني بذاك الوجه قمر يختال
صحاري الحشا وبيادي القلب يلفها ويغطيها
أنا فارس غرامك وبساح الخيل تشوف الأفعال
رسن غرامك وشوقك بايدي والقلب شاريها
ماغيرك اعتلى صهوة الشوق وافرد علي دلال
أصبحت وأمسيت صريعك والروح انت غاليها
راح أقصر بالوصف وعليك انت تشوف الحال
والحكم الك وغيرك يشوف الكلمات ولا يجاريها
@عزالدين الحميري@