بقلم الشاعر جوزيف رداح
جن الليل وزاد جنانو
وجنانو شي مابيتفسر
الكفر راكب فوق حصانو
يذبح ويصرخ الله و أكبر
والسوري لشرفو صانو
رفض الذل و بأرضو اتمسمر
وجيشي دوم صاين ميدانو
الله محي الزند اﻷسمر
بلادي ما أحلاها بلادي
أرض الحب وطير الشادي
والهادي صلا ع الهادي
وبوس خدو لخيو الفادي
والسوري في عندو عاده
عالظالم حقدو بيتفجر
أهلي ب سورية شقد عانوا
والسوري ع الموت اتمسخر
قدم دم و زاد ايمانو
بمجد بلادو البدو يعمر
والدهر بسورية عنوانو
وأحلى منها ما بيتصور
وعلمو حددلو ألوانو
أسود . أبيض . أخضر . أحمر
جوزيف رداح